زۇلپىقار بارات ئۆزباش 1975- يىلى ئاقسۇ ئۇچتۇرپان ناھىيىسىدە تۇغۇلغان. 1992- يىلىدىن 1996- يىلىغىچە شىنجاڭ ئۇنىۋېرسىتېتىنىڭ جۇڭگو تىللىرى فاكۇلتېتىدا ئوقۇغان. ئوقۇش پۈتتۈرگەندىن كېيىن ئاپتونوم رايونلۇق دۆلەت باج ئىدارىسىنىڭ تەرجىمە باشقارمىسىدا تەرجىمان، سابىق «شىنجاڭ باج ئىشلىرى» ژۇرنىلىدا تەھرىر ۋە مەزكۇر ئىدارىنىڭ «باج كادىرلىرىنى تەربىيەلەش مەركىزى» دە ئوقۇتقۇچى بولۇپ ئىشلىگەن.
زۇلپىقار بارات ئۆزباش 2001- يىلى «سەرخۇش ئىنگلىز تىلى» تەربىيەلەش مەركىزىنى قۇرۇپ، ئىنگلىز تىلى ئوقۇتۇشى بىلەن شۇغۇللانغان. «سەرخۇش ئىنگلىز تىلى» دەرسلىكى (تۆت قىسىم) ۋە «جانغا ئەسقاتىدىغان سەرخۇش ئىنگلىز تىلى گرامماتىكىسى» قاتارلىق بىر يۈرۈش دەرسلىكلەرنى تۈزگەن. ئۆزگىچە ئوقۇتۇش مېتودى، ئەتراپلىق بىلىم قۇرۇلمسى ۋە ئۆزگىچە مېتودتا تۈزۈلگەن «سەرخۇش ئىنگلىز تىلى» ناملىق دەرسلىك كىتابلىرى بىلەن كەڭ تىل ئۆگەنگۈچىلەرنىڭ ئالقىشىغا ئېرىشكەن.
زۇلپىقار بارات ئۆزباش 2007- يىلى «فورد خەلقئارالىق ئوقۇش مۇكاپاتى» غا ئېرىشىپ ھاۋاي ئۇنىۋېرسىتېتى جەمئىيەتشۇناسلىق كەسپىگە ئوقۇشقا كىرگەن ۋە 2009- يىلى 12- ئايدا ماگستېرلىق ئۇنۋانىغا، 2013- يىلى 5- ئايدا دوكتورلۇق ئۇنۋانىغا ئېرىشكەن. ئۇ ئامېرىكىدىكى ئوقۇشىنى تاماملىغاندىن كېيىن ئۈرۈمچىگە قايتىپ شىنجاڭ ئۇنىۋېرسىتېتىدا ئوقۇتقۇچى بولۇپ ئىشلەشكە باشلىغان.
زۇلپىقار بارات ئۆزباشنىڭ «جەمئىيەتشۇناسلار نېمە دەيدۇ»، «ئۆزلۈك گىرۋەكلىرىدە» دېگەن ئىككى كىتابى نەشىر قىلىنغان ۋە باشقا بىرقىسىم تەرجىمە ئەسەرلىرى ژورناللاردا ئېلان قىلىنغان ياكى كىتاب شەكلىدە نەشىر قىلىنغان (مەسىلەن: نوبىل ئەدەبىيات مۇكاپاتىغا ئېرىشكەن ئامېرىكا يازغۇچىسى تونى مورىسسوننىڭ «جان قوزام» رومانى). ئۇ 2018-يىلى سىنتەبىردە تۇتقۇن قىلىنغان. ۋەتەندىن ئېلىنغان خەۋەرلەرگە ئاساسلانغاندا، ئۇنىڭ 15 يىللىق قاماققا ھۆكۈم قىلىنىپ بورتالا تۈرمەسىدە جازا ئۆتەۋاتقانلىقى دېيىلمەكتە.
توردا تېپىلغان بەزى كىتابلىرى:
توردىكى بەزى ماقالىلىرى:
قىيىنچىلىق ۋە ئۇيغۇر ياشلىرى، باشقا ئۇلىنىش
مۈجمەل ئادەم ۋە زىددىيەتلىك كىملىك، باشقا ئۇلىنىش
ئۈستۈن ئوقۇرمەن قانداق بولىدۇ؟، باشقا ئۇلىنىش، باشقا ئۇلىنىش
كوللېكتىپ ئاڭسزلىق ۋە كوللېكتىپ پاراسەت
ئېرنېست ھېمىڭۋاي ۋە «تېڭىرقىغان بىر ئەۋلات»
ئاقارتىش جاراھىتى ۋە ئاددىي ئەقىل
كىتاب ئوقۇش ئۇسۇلىمىز ۋە پوزىتسىيىمىزدىكى سەۋەنلىكلەر ھەققىدە
ھەر خىل گېزىت-ژورناللاردا ئېلان قىلىنغان بىر قىسىم ماقالىلىرى
